Памежнікі амерыканскага штата Каліфорнія атрымалі распараджэнне неадкладна дэпартаваць выяўленых нелегальных эмігрантаў з некалькіх краін былога СССР. Гаворка ідзе пра Грузію, Малдову, Кыргызстан, Расію, Таджыкістан і Узбекістан, перадае газета New York Post са спасылкай на атрыманую агентамі памежнага патруля службовую запіску. Беларусі ў гэтым спісе няма.
Гаворка ідзе пра поўнагадовых мігрантаў. Для мігрантаў з іншых краін усходняга паўшар'я, а гэта больш за 100 дзяржаваў, дапускаецца магчымасць знаходжання ў ЗША на час разгляду іх справаў.
Тэлеканал Fox News са спасылкай на высокапастаўленага прадстаўніка памежнай службы ЗША адзначае, што загад распаўсюджваецца толькі на сектар Сан-Дыега, які цяпер — самым загружаны раён з пункту гледжання нелегальнай міграцыі.
Гэтыя ўказанні далі на фоне ўвядзення ў ЗША часовай забароны на прытулак мігрантам, што нелегальна перасякаюць мяжу з боку Мексікі. Новыя нормы дазволяць амерыканскім уладам дэпартаваць мігрантаў у іх краіны ў паскораным парадку.
