У Следчым камітэце заявілі, што працягваюць выяўляць «актыў экстрэмісцкіх ячэек за мяжой».
«У цяперашні час следствам атрыманая інфармацыя пра планы „збеглых“, скіраваныя на спробу дыскрэдытацыі Рэспублікі Беларусь на міжнароднай арэне і распальвання сацыяльнай варожасці з дапамогай малалікіх вулічных акцый, якія імітуюць падтрымку радыкальных рухаў. Адным з „экстрэмісцкіх перформансаў“ стане флэшмоб з умоўнай назвай „Лукашэнку ў шродэр“, арганізаваны „Народнымі амбасадамі“», — гаворыцца ў заяве СК.
Следчыя таксама нагадалі, што 26 студзеня ў Варшаве «збеглыя злачынцы» плануюць правядзенне фестывалю «Беларусы годныя лепшага». Яны лічаць, што мэта мерапрыемства — «стварэнне негатыўнага іміджу вакол выбарчай кампаніі ў Беларусі, напальванне сацыяльна-палітычнага становішча і вонкавае ўздзеянне на прававыя інстытуты».
«Следствам сумесна з зацікаўленымі органамі вядзецца актыўная праца па выяўленні і ідэнтыфікацыі ўдзельнікаў планаваных акцый за мяжой. Іх дзейнасць дакументуецца для прыняцця рашэння пра прыцягненне фігурантаў да крымінальнай адказнасці, у тым ліку ў парадку спецыяльнай вытворчасці. Кожнаму факту супрацьпраўнай дзейнасці будзе дадзеная жорсткая прававая ацэнка», — падсумавалі ў СК.