У расійскім палоне загінуў мэр украінскага горада Днепраруднае Яўген Мацвееў, заявіў кіраўнік Запарожскай АДА Іван Фёдараў.
«Днепраруднае Запарожскай вобласці расіяне захапілі ў канцы лютага 2022 года. А пазней узялі ў палон кіраўніка горада — Яўгена Мацвеева. Два гады і восем месяцаў ён знаходзіўся ў палоне ў акупантаў і быў закатаваны да смерці», — напісаў Фёдараў.
Паводле яго, цела Матвеева вярнулі Украіне падчас апошняга абмену.
«Яўген Сяргеевіч падчас акупацыі не пакінуў ні горад, ні яго жыхароў. Ён рабіў усё магчымае для забяспечання жыццядзейнасці грамады, пастаянна інфармаваў насельніцтва пра тое, што адбываецца, і падтрымліваў яго», — падсумаваў кіраўнік АДА.