Падтрымаць каманду Люстэрка
Беларусы на вайне
  1. Уроженца Беларуси расстреляли за отказ участвовать в «мясном штурме» на Донбассе — проект «Хочу жить»
  2. В Украине опубликовали списки беларусов, воюющих на стороне России. Там больше 700 человек
  3. Каким будет курс доллара в самую короткую рабочую неделю года? Прогноз по валютам
  4. Летом введут существенные изменения, которые могут повлиять на толщину ваших кошельков. Посмотрите, касается ли это вас и ваших родных
  5. Путин объявил еще одно перемирие на украинском фронте
  6. «Боюсь, ночью могут начаться мародерства». Беларусы Испании и Португалии рассказали «Зеркалу», как переживают глобальный блэкаут
  7. Всех, кто в воскресенье ехал из Беларуси в Россию и обратно, проверяли военные. Рассказываем
  8. Мобильные операторы вводят изменения для клиентов. Есть смысл изучить их, если для вас важно сохранить свой номер телефона
  9. Лукашенко на переговорах с Путиным оправдывался за георгиевскую ленточку
  10. Зеленский: «Россия что-то готовит в Беларуси этим летом»
  11. На трассе в Варшаве автобус с беларусами и украинцами перевернулся на бок и влетел в столб, есть пострадавшие
  12. Москва объявляет односторонние перемирия ради выгоды, а не мира — ISW
  13. В прошлый раз иностранцы массово переселились в Беларусь в 17 веке, а последствия чувствуются до сих пор. Рассказываем
Читать по-русски


Як стала вядома «Люстэрку», у аўторак, 18 ліпеня, супрацоўнікам літоўскага офіса кампаніі Wargaming прыйшоў ліст ад кіраўніцтва. У ім адміністрацыя папярэдзіла, што Літва можа ануляваць від на жыхарства тым, хто служыў у беларускім войску па кантракце. У лісце ішла гаворка як мінімум пра двух супрацоўнікаў, якіх ужо пазбавілі ВНЖ.

Офис белорусской компании Wargaming в Вильнюсе. Фото: wargaming.com
Офіс беларускай кампаніі Wargaming у Вільнюсе. Фота: wargaming.com

— У лісце гаворыцца, што Літва анулюе віды на жыхарства, якія атрымалі беларусы, што раней служылі па кантракце ва Узброеных сілах РБ. Гаворка пра прапаршчыкаў і афіцэраў. Прычым анулююць без усялякага папярэджання — проста ставяць перад фактам, — расказала «Люстэрку» крыніца, знаёмая з сітуацыяй. Гэтую інфармацыю нам пацвердзіў і дзейны супрацоўнік кампаніі.

Нам не ўдалося аператыўна атрымаць каментар ад Wargaming што да сітуацыі з ануляванымі ВНЖ. Як толькі (і калі) мы яго атрымаем, то адразу апублікуем.

Як правіла, высокакваліфікаваныя спецыялісты, якія атрымліваюць больш за 1,5 сярэдняга заробку ў Літве (у першым квартале 2023 года сярэдні заробак склаў 1192 еўра на рукі. — Заўв. рэд.), могуць прэтэндаваць на Blue card. Гэта спецыяльны від на жыхарства ў ЕС тэрмінам на тры гады. Рашэнне пра яго выдачу краіна ЕС прымае самастойна. Быў у двух супрацоўнікаў Wargaming Blue card ці «звычайны» ВНЖ, невядома.

У Wargaming у Літве працуе 986 чалавек. Чысты прыбытак літоўскай кампаніі па выніках 2022 года склаў больш за 2,2 мільёна еўра, яна ўваходзіць у тройку найбуйнейшых падаткаплатнікаў Літвы ў сферы IT.

Што кажуць у Дэпартаменце міграцыі

Па каментар «Люстэрка» звярнулася ў Дэпартамент па міграцыі пры МУС Літвы. Там адзначылі, што не каментуюць персанальных кейсаў па ануляванні ВНЖ і не маюць інфармацыі пра колькасць супрацоўнікаў кампаніі, якіх пазбавілі гэтага дакумента. Але дадалі, што, як правіла, такія рашэнні міграцыйныя службы прымаюць грунтуючыся на рэкамендацыях Дэпартамента дзяржбяспекі.

Мы звярнуліся і ў Дэпартамент дзяржбяспекі Літвы, пацікавіліся, чаму былых вайскоўцаў-кантрактнікаў, якія працуюць у Wargaming, пазбавілі ВНЖ.

— Дэпартамент дзяржаўнай бяспекі ацэньвае пагрозу дзяржаўнай бяспецы з боку замежнікаў у кожным канкрэтным выпадку з улікам канкрэтных абставінаў, — гаворыцца ў адказе прэс-службы. — Ацэнка пагрозы, якая ідзе ад асобы, можа быць змененая пасля высвятленні новых абставінаў у дачыненні да асобы, а таксама змены геапалітычнай сітуацыі. Прававыя акты не акрэсліваюць паняцця пагрозы бяспецы дзяржавы або вычарпальнага пераліку пагрозаў бяспецы дзяржавы — ацэнка ажыццяўляецца з улікам канкрэтных абставінаў, судовай практыкі і да т. п. Звяртаем вашую ўвагу, што суды неаднаразова адзначалі, што права прыязджаць у Літоўскую Рэспубліку і жыць тут не з’яўляецца натуральным, яно не даецца аўтаматычна грамадзянам трэціх краін і набываецца толькі ў тым выпадку, калі гэтыя асобы адпавядаюць патрабаванням закона «Пра прававое становішча замежных асобаў». Канчатковыя рашэнні пра ануляванне віду на жыхарства ў Літве прымае Дэпартамент міграцыі, ацэньваючы ўсе адпаведныя абставіны ў кожным канкрэтным выпадку, уключаючы ацэнку Дэпартамента дзяржбяспекі.

Нагадаем, не так даўно ў Дэпартаменце міграцыі Літвы паведамілі, колькі беларусаў з пачатку года атрымалі адмову ў выдачы ВНЖ краіны. На канец траўня іх было 309 — нашмат больш, чым за ўвесь 2022 год. Ім адмовілі з прычыны пагрозы бяспецы — напрыклад, людзі маглі адзначыць у анкеце, што падтрымліваюць Расію ў вайне.

Чытайце таксама