Паводле ўказа Лукашэнкі дыпмісіі Беларусі больш не будуць выдаваць беларусам пашпарты за мяжой, таксама нельга будзе па даверанасці, выдадзенай за межамі нашай краіны, аформіць угоды з маёмасцю і выканаць пэўныя адміністрацыйныя працэдуры. Новаўвядзенні пачынаюць дзейнічаць з 00.00 7 верасня. «Люстэрка» патэлефанавала ў Мінскае гарадское агенцтва па дзяржаўнай рэгістрацыі і зямельным кадастры і ДАІ і ўдакладніла, ці можна паспець сёння аформіць угоду па нерухомасці і аўто па такой даверанасці.
Нагадаем, указ пачне дзейнічаць з 00.00 7 верасня.
Журналістка «Люстэрка» як фізасоба патэлефанавала сёння, 6 верасня, у раёне 11.00 у Мінскае гарадское агенцтва па дзяржаўнай рэгістрацыі і зямельным кадастры, каб удакладніць, ці можна паспець «ускочыць у апошні вагон» і аформіць угоду з нерухомасцю па даверанасці, аформленай за мяжой.
— Ужо не, бо ўказ ужо ўступіў у сілу. Цяпер гэта можна зрабіць толькі па беларускіх даверанасцях, — паведаміў спецыяліст агенцтва.
Таксама спецыяліст адзначыў, што з нерухомасцю нельга аформіць не толькі ўгоду па продажы, але і дароўны дакумент, гэта магчыма зрабіць толькі пры асабістым звароце або на падставе даверанасці, аформленай на тэрыторыі Беларусі.
Прыкладна праз гадзіну журналістка «Люстэрка» як фізасоба зноў патэлефанавала ў Мінскае гарадское агенцтва па дзяржаўнай рэгістрацыі і зямельным кадастры. Гэтым разам па тым самым пытанні кансультаваў іншы спецыяліст. Задаючы пытанне, мы зрабілі акцэнт на тым, што ўказ уступае ў сілу з паўночы 7 верасня, дык чаму ж сёння ўгоду аформіць нельга?
— Ну, мы гэта таксама цяпер бачым. З раніцы гэтага не было, цяпер вось такая інфармацыя (пра час і дату ўступлення ўказа ў сілу. — Заўв. рэд.). Таму неяк вам забараняць ехаць да нас і падаваць заяву мы не можам. Прыязджайце да спецыялістаў у залу, і толькі на момант звароту будзе прынятае рашэнне. На сённяшні дзень заявы [па даверанасці] прымаюцца, — паведаміла новыя звесткі жанчына.
Што да пераафармлення транспарту, то ў рэгістрацыйным аддзеле ДАІ на аўтарынку «Малінаўка» паведамілі, што з сённяшняга дня ўгоды па даверанасцях, выдадзеных за мяжой, яны не афармляюць.
Чытайце таксама
