У Дэпартаменце дзяржінспекцыі працы пры Мінпрацы расказалі, ці можа наймальнік нагружаць супрацоўніка дадатковай працай без яго згоды. Калі каротка, то часцей за ўсё патрабуецца такая згода, але ёсць выключэнні. Расказваем падрабязнасці.
Паводле агульнага правіла ўскладанне на работніка дадатковай працы магчымае толькі з яго згоды і за даплату, удакладняюць у Дэпартаменце. Гаворка ў тым ліку пра сітуацыі, калі работнік працуе ў час адсутнасці іншага спецыяліста.
У Дэпартаменце тлумачаць, што адной з абавязковых умоваў працоўнай дамовы лічыцца праца адпаведна пасадзе і штатнаму раскладу, прафесіі, спецыяльнасці з указаннем кваліфікацыі. Пры гэтым мусіць быць прапісаны канкрэтны від працы, якую даручаюць работніку. Усё гэта прадугледжана Працоўным кодэксам.
«З пісьмовай згоды работніка яму можа быць даручанае выкананне цягам вызначанай працягласці працоўнага дня (змены) разам з асноўнай працай, вызначанай працоўнай дамовай, дадатковай працы па іншай або такой самай прафесіі (пасадзе) за даплату», — тлумачаць у дэпартаменце.
Пры гэтым ёсць сітуацыі, калі згода работніка не патрабуецца. Гаворка пра выпадкі, калі спецыяліст выступае намеснікам адсутнага калегі, пры гэтым яго адпаведныя абавязкі прапісаныя ў службовай інструкцыі (або ў працоўнай дамове). У такім выпадку выкананне такіх абавязкаў не патрабуе згоды работніка і даплаты.
