Вайсковы парад, прысвечаны 80-й гадавіне Перамогі, пачнецца 9 траўня ў 20.30, паведамілі ў прэс-службе Мінабароны.
Дзяржаўныя СМІ раней называлі іншы час. Так, да прыкладу, дзяржтэлеканал «Першы інфармацыйны» 29 красавіка апублікаваў фрагмент інтэрв'ю з начальніцай галоўнага ўпраўлення ідэалагічнай работы і па справах моладзі Мінгарвыканкама Вольгай Чамаданавай. Яна расказала, што запланаваны час пачатку мерапрыемства — 18.00.
Чаму час параду быў перанесены, у Мінабароны не растлумачылі.
Нагадаем, вайсковы парад да Дня Перамогі пройдзе таксама ў Маскве. У расійскай сталіцы ён пачнецца ў 10.00 (паводле мінскага часу). На мерапрыемства быў запрошаны Аляксандр Лукашэнка. Падчас сустрэчы з прэзідэнтам РФ Уладзімірам Пуціным 29 красавіка беларускі палітык пацвердзіў сваю прысутнасць:
— Дзякую яшчэ раз за гэтыя светлыя дні, што вы запрасілі на парад. Мы не маглі не прыехаць. Вы ведаеце, што мы едзем спачатку на Чырвоную плошчу, потым праводзім парад у сябе ў Беларусі, — сказаў Пуціну Лукашэнка.
Удзел у расійскім парадзе беларускі палітык браў і 9 траўня 2023 года. Аднак тады Лукашэнка не змог прайсці ў Маскве і 300 метраў пешшу — яго давялося везці ахове Пуціна. З таго мерапрыемства пачаўся працяглы перыяд яго адсутнасці на публіцы.
Чытайце таксама
