«Відаць зацікаўленасць». У Мінпрацы расказалі, колькі пенсіянераў вярнулася на працу

5 мая 2025 у 1746421920
Максім Іскрын / «Зеркало»

З 1 студзеня 2025 года набылі моц навацыі заканадаўства ў сферы пенсійнага забяспечання, прапісаныя ва ўказе № 402 «Пра сацыяльную падтрымку». Пра эфектыўнасць гэтых захадаў расказала дзяржтэлеканалу «Першы інфармацыйны» міністр працы і сацыяльнай абароны Беларусі Наталля Паўлючэнка.

Спікерка адзначыла, што эфектыўнасць гэтых захадаў можна ўбачыць «ужо цяпер».

- У нас працуе 110 тысяч асобаў, якія дасягнулі вызначанага пенсійнага ўзросту. Літаральна з першых месяцаў рэалізацыі ўказа мы ўбачылі рост пенсіянераў, якія працуюць. У першыя месяцы было плюс 10 тысяч, далей - плюс 6 тысяч. Сапраўды, зацікаўленасць асобаў старэйшага пакалення ў працы, у працягу працоўнага шляху ёсць, - расказала Наталля Паўлючэнка.

Раней пенсіянер, што працуе, атрымліваў зарплату і пенсію. Калі ў яго індывідуальны каэфіцыент, які склаўся падчас разліку пенсіі, звыш 1,3, то пенсію ён атрымлівае ва ўрэзаным фармаце. З 1 студзеня 2025 года гэтыя правілы скасавалі - пенсія будзе выплачвацца ў поўным аб'ёме.