ДПК: Закрыты пункт пропуску «Сілене» выклікаў чэргі ў бок Латвіі і Літвы

21 верасня 2023 у 1695287580
«Зеркало»

Пасля таго як Латвія закрыла пункт пропуску «Сілене» на мяжы з Беларуссю, чэргі з фур на выезд з нашай краіны павялічыліся, паведаміў Дзяржаўны памежны камітэт.

Здымак мае ілюстрацыйны характар. Фота: TUT.BY

Праз закрыццё 19 верасня пункта пропуску «Сілене» (сумежны беларускі пункт пропуску - «Урбаны») чэргі з транспарту выраслі не толькі перад адзіным дзейным латвійскім памежным пераходам «Патарніекі» (з беларускага боку - «Грыгароўшчына»), але і на літоўскім кірунку.

Сёння ў 10.00 больш за ўсё грузавікоў было перад літоўскім пунктам пропуску «Мядзінінкай» (з боку Беларусі - «Каменны Лог») - больш за 120 аўто. Кантрольныя службы за суткі прапусцілі на сваю тэрыторыю ўсяго 20% велікагрузаў ад нормы.

Выява: ДПК Беларусі

Чэргі з фур таксама фіксуюцца на ўезд у Літву перад пунктамі пропуску «Шальчынінкай» (з беларускага боку - «Беняконі») і «Райгардас» (з беларускага боку - «Прывалка»).

Легкавы транспарт чакае ўезду ў ЕС перад польскім пунктам пропуску «Тэрэспаль» (з беларускага боку - «Брэст») і ўсімі літоўскімі памежнымі пераходамі.

Чытайце таксама